Maandag oggend het ek en my tannie half ses gery na die hospitaal toe vir Gerrit se operasie. Ons was altwee bang, alhoewel ons weet dat God alreeds in die teater vir Gerrit en die dokters wag, het die onsekerheid ons mal gemaak. Ons het die heeltyd gebid, en met die Here gepraat. Gerrit is half nege die oggend in teater toe, en ons het die ure begin aftel. So het ons gewag en gebid en gewag en gebid. Die dokter het tien oor een vir ons kom sê dat Gerrit in die herstel kamer is en dat hulle hom binnekort gaan uitstoot.

Ons is vinnig na die saal toe waar Gerrit opgeneem is en kon nie wag om hom te sien nie. Half twee stoot hulle toe vir Gerrit om die hoek. Hy was duidelik in pyn, en baie deurmekaar. Altwee sy bene is in gibs van sy tone tot by sy lieste.

Die dokter is vir ons die beste nuus ooit gebring. Gerrit se operasie was 'n reuse sukses, en die dokter is van menig dat hy voor Desember weer sal kan loop!! Ek en my tannie het die Here geloof en geprys!!

Nou moet die fisioterapeut net reg werk, dan kan ons saam met Gerrit Desember tussen die branders rond hardloop!!

Dankie Abba Vader dat U so mooi na klein Gerrit omgesien het!

Ons loof en prys U Almagtige Naam!

Januarie gaan die dokter Gerrit se handjies doen!! Ons glo en vertrou dat dit ook 'n sukses sal wees!!