Waarheen nou?

Deur Lizel Ferreira

Baie van die mense wat ek sien wat sukkel met hulle gewig, sê vir my dat hulle voel hulle het in ‘n diep, donker put geval en weet nie hoe om daar uit te kom nie! Geen dieet werk nie en die wilskrag ontbreek totaal!

My vraag is dan: “Hoe het jy in die eerste plek daar beland?”

Op een of ander tydstip het hulle ‘n mate van spanning oor ‘n periode van tyd ervaar. Enige spanningssituasie se roete gaan eerstens deur die Kognitiewe denke. Hier neem jy ‘n keuse oor hoe jy op hierdie omstandighede
gaan reageer. Positiewe gedagtes sal noodwendig positiewe emosies tot gevolg
he, wat die wil sal versterk. Die teenoorgestelde is ongelukkig ook waar. In
die laaste plek sal jy reageer volgens jou emosies. Die kern van ons menswees
is ons gees, wat ook ons kommunikasiesentrum met God is. Wanneer ons emosies
oorloop, loop dit in ons gees in, en wanneer ons Lewensnet nie mooi in plek is,
as gevolg van ‘n gebrek aan kommunikasie nie, begin ons in die put afval. Jy
begin doelloos wegdryf soos ‘n skip waarvan die anker losgekom het. Dit voel of
jy nie helder kan dink nie en ‘n positiewe emosie is die laaste ding waarmee jy
kan identifiseer, om nie eers te praat van die toestand waarin jou liggaam
verval nie! Waarheen nou?

Die laaste plek waar jy deurgeglip het voordat jy hier beland het, was deur jou Lewensnet. Dus is die eerste stap van die roete terug, deur jou Lewensnet! Hy is die ligtoring
wat die verdwaalde skip weer land toe kan bring! Wanneer dit in plek is sal die
emosies en die denke weer kan herstel, en sal die kanse om iets te doen aan die
liggaam, baie verbeter!