Net soos enige ander gemeente of kerk, is die ekerk afhanklik van finansiële ondersteuning om te kan oorleef. Die ekerk is geregistreer as ‘n Artikel 21 maatskappy sonder 'n winsoogmerk. Alle inkomstes word aangewend om direkte bedryfsuitgawes te dek. Ten minste 10% van die ekerk se inkomste word weggegee aan hulpbehoewende mense, evangelisasie projekte, ens. Daar sal ook gereeld op Nood-e terugvoer gegee word oor al die ekerk se weggee aksies.

Hoe kan ek die ekerk finansieel ondersteun?

Dit is baie maklik om die ekerk finansieël te ondersteun. Daar is 3 keuses:

1. Debietorders: deur 'n debietordervorm te teken vir 'n bedrag van so min as R25.00. Jy kan self besluit of dit maandeliks, kwartaalliks, halfjaarliks, of jaarliks aangebied moet word.

Jy kan te eniger tyd 'n debietorder kanselleer deur skriftelik kennis te gee van die voorneme. Kontakbesonderhede is beskikbaar op die debietordervorm.

Hierdie fasiliteit is ongelukkig net beskikbaar vir SA kredietkaarte en bankrekeninge. Laai die ekerk debietordervorm hier af.

2. Direkte inbetaling in die ekerk bankrekening. Kontak die ekerk vir die nodige besonderhede by driescronje@gmail.com.

3. Deur van die GivenGain donasie funksie gebruik te maak hiernaas.


Wie en wat is GivenGain?

Die ekerk het ‘n verbintenis met GivenGain aangegaan, waarvolgens die leser op ‘n veilige manier elektroniese bydraes tot die ekerk kan maak. GivenGain maak dit maklik om donasies aan die ekerk te maak, deur voorsiening te maak van verskeie betalings meganismes wat regoor die wereld gebruik kan word.

Dit is baie maklik om op GivenGain ‘n bydrae aan die ekerk te maak. Kliek net op die GivenGain skakel hiernaas en vul die donasie-vorm in. Daarna sal GivenGain aan jou ‘n e-pos stuur met die ‘username’ en ‘password’ waarmee jy die transaksie sal kan afhandel. Jy het die opsie om ‘n eenmalige of herhalende bydrae aan die ekerk te maak vanuit enige van jou persoonlike bankrekenings.

GivenGain verskaf aan jou toegang tot ‘n "Responsible Giving Manager" funksie, wat aan jou ‘n volledige geskiedenis verskaf van alle bydraes wat deur jou aan die ekerk gemaak is.

Jou sekuriteit is vir ons belangrik. GivenGain maak gebruik van verskeie sekuriteitsmaatreëls om te verseker dat jou GivenGain transaksies veilig is. GivenGain vereis dat jy op hul beskermde (‘secure’) webblad aanteken. Maak altyd seker dat die adres van die webblad begin met https://www.givengain.com/ (neem kennis van die 's' na 'http'). Moet onder geen omstandighede jou GivenGain password invul op ‘n bladsy wat nie met https://www.givengain.com/ begin nie. Bewaar u ‘password’ in ‘n veilige plek en moet dit onder geen omstandighede aan iemand anders verskaf nie.